اديت لزوجى حقنة امبارح .. كان لازم اعمل كدة - العضوة

السلام عليكم ورحمة الله وبركاتة
ازيكم ياقمرات

بجد يافتوكات لازم كلنا نتعلم ازاى ندى حقن لان الموضوع دة مهم جدددددددددددددا
على فكرة انا جبااااااااانة جدددددددا وياما زوجى اتحايل عليا عشان اتعلم لكن كنت برفض عشان بخاف يحصل حاجة لا قدر الله لكن زوجى تعب فى الفترة اللى فاتت والعلاج فية حقن كتير وكل يوم فقولت مفيش مفر لازم اخد القرار روحت ماسكة الحقنة والسرنجة وقولتلة يالاااااا الراجل ياعينى خاف(هو مبينش كدة بس انا كنت حاسة بية) وقالى متهزريش بقى قولتلة والله بتكلم بجد هديلك الحقنة وبينى وبينكم كان جسمى كلة بيترعش بس والله طلع الموضوع سهل جدا غير ما كنت متخيلة

ماهو اعقليها كدة يافتوكة لو حصل حاجة لزوجك او والدك او اخوكى او ابنك لا قدر الله واحتاج حقن هتعملى اية لو مش بتعرفى؟ لازم تنقذى اللى قدامك ومتخافيش وجمدى قلبك وسمى الله واعملية بنية الثواب ياستى انك بتساعدى فى شفاء مريض يعنى فايدة من كل النواحى

ودى فيديوهات لتعليم تجهيز الحقنة وطريقة اعطائها بس على شرط اللى تشوف الفيديو تدعى لزوجى بالشفاء العاجل وان ربنا يباركلى فية ويطولى فى عمرة (فضلا وليس امرا) وياريت التقييم عشان الكل يستفيد