منال عملتها الخميس عملتها الجمعه

شوفتوا منال عملت ايه
أفخاد الدجاج على الطريقه الهنديه
المقادير
6 أفخاد دجاج منزوعه الجلد
بصله كبيره مقطعه ارباع
قرن فلفل حار (اختيارى)
6فصوص توم
قطعه زنجبيل (انا حطيت بودره)
2 ملعقه عصير ليمون
علبه زبادى
2 حبه كبيره طماطم مفرومه
2 حبه كبيره طماطم ارباع (انا ما حطتش كفايه بقى طماطم هههههههههه)
ملعقه كبيره صلصه
كوب ماء او حسب سمك الصلصه
التتبيله ملعقه كبيره بابريكا _ نص او ملعقه قرفه _ ملعقه كسبره _ملح وفلفل وشطه

الطريقه
1_نضع فى الكبه البصل والتوم والفلفل والزنجبيل ونفرمهم جيدا ثم نضيف نص التتبيله ونص الزبادى والليمون ونقلبهم جيدا ونتركهم على جنب

2_نضع باقى التتبيله وباقى الزبادى على بعض ونقلبهم جيدا ثم نعمل شقوق عللى سطح الافخاد لتتشرب التتبيله ونقلبهم فيها ونضعها فى التلاجه شويه

3_نضع فى الطاسه ماده دهنيه وننزل فيها الافخاد ليصبح لونها ذهبى ثم نرفعها ونضع مكانها الخلطه اللى سبنها على جنب دى ونحمصها لحد ما ريحتها تتطلع ثم نضيف الصلصله والطماطم والافخاد والميه ونغطيها ونتركها تستوى

وممكن تقدميها مع رز او مكرونه وممكن على راى اخويا تعمليها حشوه فى الكريب لانه كال زيها بره

وعلى فكره انا ماليش فلى الافخاد خالص بس لما عملتها عجبتنى اوى وعجبت العيله الكريمه كلها هههههه


يارب تكون عجبتكم وبالهنا والشفا