طريقة عمل مربى البرتقال وبالصوررر 
مربى البرتقال بالخطوات والصورالسلام عليكم ورحمة الله وبركاته المكونات:
كيلو برتقال بسرة ذو قشرة مخرفشة وسميكة ( هام ) - 2 كوب إلا ربع سكر - عصير 2 ليمونة.
الطريقة:
- تقشر القشرة البرتقالى الخارجية للبرتقال بسكين حامى أو بالمقشرة كما بالصور:
- تقشر الطبقة الثانية الصفراء برفق ( لأنها هى دى اللى حنعمل منها المربى ) كما بالصورة:
- نلاحظ أن القشرة الداخلية البيضاء ملتصقة بالبرتقال ودى مش عايزينها.
- لو فرض ان احنا معرفناش نعمل الخطوة اللى فاتت وقشرنا الاصفر والابيض كله (اللحم كلة) نعمل الآتى: نأخذ اللحم ونكحته بالسكينة حتى نتخلص من الألياف كما بالصور :
- نلاحظ أن القشرة اللى بتشيلها السكينة حتترمى وحيفضل اللى تحت نقطعها قطع صغيرة أو نفرمها فى الكبة حسب الرغبة :
نعصر قلب البرتقالة فى مصفاة ضيقة باليد ونتركة فى الثلاجة شوية
- يعقد السكر فى كوب ماء بأن يغلى 5دقائق نضع القشر فى 2 كوب ماء ونسلقة لمدة حوالى نصف ساعة لحد المية ما تنشف خالصنضع القشر المسلوق على السكر المعقود كما بالصورة: نتركه على النار حوالى نصف ساعة ونقلب كل شوية ومنشلش ريم لانه سكر وجزء من المربى
نضيف العصير
ونتركة يغلى حوالى تلت او نصف ساعة لحد ما المعلقة تلف ونختبرها بوضع ملعقة صغيرة فى طبق ونتركها تبرد وتكون النار مغلقة ونختبر قوامها لو حلوه خلاص لو لسة سايلة خالص نولع تانى ودى الصورة بعد ما استوت قبل الليمون
نضيف بعد ذلك عصير الليمون ونغليه 5 دقائق مع التقليب ونشيلها من على النار
نتركها تبرد ثم نعبيها فى البرطمان
ملحوظة لو لا قدر الله المربى غليت كتير واصبح قوامها سميك متتخضيش ضيفى ربع كوب ماء مغلى وعليه ليمونة واغليها غلوة حتفك وتبقى حلوة
وبالهنا والشفاء ادعولى وادعوا لطنط اللى علمتنى
وده طبق بالقشطة للحلوين اللى حيشرفونى بالرد على الموضوع
